Friday, January 4, 2013

ဒို့ဘာသာ (၅) မွဲခြင်း တရားခံ

ဗုဒ္ဓဘာသာမှာ ကိုးကွယ်ရာ ရတနာသုံးပါးဆိုတာရှိတယ်။
၁။ ဗုဒ္ဓ – ဘုရား ၂။ ဓမ္မ – တရား ၃။ သံဃ – သံဃာ
နံပါတ် (၁) ဖြစ်တဲ့ ဗုဒ္ဓဘုရားရှင်ကို ဘယ်လို ဘာကြောင့်ကိုးကွယ်
ဆည်းကပ်ရတယ်ဆိုတာ ရှင်းပြပြီးပြီ။
အခု နံပါတ် (၂) ဖြစ်တဲ့ ဓမ္မ တရားတော်ကို ဘယ်လို ဘာကြောင့်
ဆည်းကပ်ရတယ်ဆိုတာရှင်းပြအုံးမယ်။
ဗုဒ္ဓဘာသာဝင်တိုင်း
ဓမ္မံ သရဏံ ဂစ္ဆာမိ – တရားတော်ကို ကိုးကွယ်ဆည်းကပ်ပါ၏ လို့
အမြဲတမ်း ဆိုနေကြတယ်။
တရားတော်ကို ကိုးကွယ်ဆည်းကပ်တယ်ဆိုတော့
ဘယ်လိုကိုးကွယ်ဆည်းကပ်တာတုန်း။
တရားတော်ဂုဏ်တော်ဖြစ်တဲ့ သွာက္ခာတော ဘဂ၀တာ ဓမ္မော စတဲ့
တရားဂုဏ်တော် (၆) ပါးကို
နေ့မအား ညမအား ရွတ်ဖတ်သရဇ္ဈာယ်နေရမှာလား။
ဒီလို မဟုတ်ပါဘူး။
တရားတော်ကို ကိုးကွယ်ဆည်းကပ်တယ်ဆိုတာ
ဘုရားရှင်ဟောကြားထားတဲ့တရားတော်အတိုင် လိုက်နာကျင့်သုံးတာကို ပြောတာပါ။
နိဗ္ဗာန်ချမ်းသာကို ခံစားလိုတဲ့ တွေ့ကြုံလိုတဲ့သူအတွက်
နိဗ္ဗာန်ချမ်းသာကို ခံစား တွေ့ကြုံနိုင်တဲ့ အကျင့်ဖြစ်တဲ့
သတိပဋ္ဌာန်တရားအားထုတ်နေတာဟာ
တရားတော်ကို ကိုးကွယ်ဆည်းကပ်နေတာပါဘဲ။
(မဂ်ဖိုလ်နိဗ္ဗာန်ဆိုတဲ့ တရားတွေကို အသာထား)
နိုင်ငံရေးလုပ်နေသူအဖို့ ဘုရားရှင်ဟောကြားထားတဲ့
နိုင်ငံရေးလမ်းညွှန်ချက်တွေနဲ့အညီ နိုင်ငံရေးလုပ်နေတယ်ဆိုရင်
သူလဲ တရားတော်ကို ကိုးကွယ်ဆည်းကပ်နေတာပါဘဲ။
ဒီလိုနည်းနဲ့ တရားတော်ကို ကိုးကွယ်ရင်
တရားက ပြန်လည်စောင့်ရှောက်မှာ အမှန်ပါဘဲ။
ဘာပြုလို့လဲဆိုတော့
ဘုရားရှင်ဟောကြားခဲ့တဲ့ တရား ဆိုတာ
အရှိတရား၊ ဖြစ်တတ်တဲ့ ဖြစ်လေ့ရှိတဲ့ သဘာဝ သဘောတရားတွေဖြစ်နေလို့ပါဘဲ။
ဒါ့ကြောင့် ဒီလို တရားတော်နဲ့အညီလုပ်နေတဲ့
နိုင်ငံရေးသမားတွေရှိတဲ့ နိုင်ငံဟာ
ဗုဒ္ဓဘာသာနိုင်ငံ ဟုတ်ဟုတ်၊ မဟုတ်ဟုတ်၊
ဗုဒ္ဓဘုရားရှင် ဟောကြားထားတဲ့ တရားတော်တွေနဲ့ ညီနေတယ်ဆိုရင်
အဆင်ပြေကြတာပါဘဲ။ ချမ်းသာသုခရကြတာပါဘဲ။
ဗုဒ္ဓဘာသာနိုင်ငံပါလို့ ကြွေးကြော်နေပေမဲ့
နိုင်ငံရေးသမားတွေ နိုင်ငံရေးလုပ်တဲ့နေရာမှာ
ဗုဒ္ဓဘုရားရှင်ဟောကြားထားတဲ့ တရားတော်တွေနဲ့ မညီဘူးဆိုရင်
ဆင်းရဲမှာပါဘဲ။
သဘာဝအတိုင်းဖြစ်နေတဲ့ သဘာဝတရားက
အသားမဲလို့၊ ဖြူလို့ဆိုပြီး ဘက်လိုက်လေ့ မရှိပါဘူး။ဒီနေရာမှာ နားလည်ရမှာက
ဘုရားရှင်ဟောကြားထားတဲ့ သဘာဝအတိုင်းဖြစ်နေတဲ့သဘောတရား (ဓမ္မ)ကို
နားလည်ပြီး လိုက်နာကျင့်သုံးနေတယ်ဆိုရင်
လိုက်နာကျင့်သုံးသူအဖို့ အဆင်ပြေနေမှာပါ။
ဒါ့ကြောင့် ဘုရားရှင်ကို သိဘို့ထက် သဘာဝဓမ္မကို သိဘို့လိုပါတယ်။
သဘာဝဓမ္မ သဘောတရားတွေကို မသိနိုင်သူတို့အဖို့သာ
ဘုရားရှင်ထုတ်ဖော်ဟောကြားပေးရတာပါ။
နောက်တစ်နည်ပြောကြည့်ရအောင်။
ဗုဒ္ဓဘာသာဝင်ဖြစ်ဖို့မလို၊ ဗုဒ္ဓဘာသာဝင်ပါလို့ ကြေငြာဘို့မလိုပါဘူး။
သဘာဝ သဘောတရားတွေအတိုင်း
(၀ါ) ဘုရားရှင်ကလဲ သဘာဝသဘောတရားတရားတွေကို ဟောကြားထားတာဖြစ်လို့
ဘုရားရှင်ဟောကြားထားတဲ့အတိုင်းကျင့်ကြံလိုက်နာနေတယ်ဆိုရင်
ကုလားရော၊ ဗမာရော၊ တရုတ်ရော၊ အင်္ဂလိပ်ရော ချမ်းသာမှာပါ။
မကျင့်ကြံ မလိုက်နာရင်တော့
ကုလားရော၊ ဗမာရော၊ တရုတ်ရော၊ အင်္ဂလိပ်ရော မွဲကြမှာပေါ့။
ဘုရားဆိုတာ ဘယ်သူဆိုတာတော့ မသိဘူး။ ဘုရားကိုတော့ မသိဘူး။
ဒါပေမဲ့ လောကသဘာဝ သဘောတရားတွေကို သိပြီး
သိတဲ့အတိုင်း ကျင့်ကြံလိုက်နာနေတဲ့သူကို
သူ့ကိုယ်သူ ဗုဒ္ဓဘာသာဝင်လို့ အမည်မခံပေမဲ့
သူဟာ ဗုဒ္ဓဘာသာဝင် အလိုလိုဖြစ်နေတာဘဲ။
ဘာ့ကြောင့်လဲ။
ဘုရားရှင်ဟောကြားခဲ့တဲ့ အရှိတရား၊ သဘာဝသဘောတရားတွေကို
လိုက်နာကျင့်သုံးနေလို့ဘဲ။
ဘုရားရှင်ကိုတော့ သိပါရဲ့။
သဘာဝသဘောတရားတွေနဲ့ ဆန့်ကျင်ပြီး
ပြုမူနေတဲ့သူကိုတော့ ဗုဒ္ဓဘာသာဝင်လို့ သူ့ကိုယ်သူ အမည်ခံပေမဲ့
သူဟာ ဗုဒ္ဓဘာသာဝင်မဟုတ်ပါဘူး။
ဘာ့ကြောင့်လဲ။
ဘုရားရှင်ဟောကြားခဲ့တဲ့ အရှိတရား၊ သဘာဝသဘောတရားတွေကို
ဆန့်ကျင်နေလို့ဘဲ။
ဒီထက်ရှင်းအောင်ပြောရရင်
လူတစ်ယောက်က ငါးပါးသီလဆိုတာကို မသိဘူး။
ဘယ်သူဟောခဲ့တယ်ဆိုတာလဲ မသိဘူး။
ဒါပေမဲ့ သူ့ပင်ကိုယ်အသိစိတ်က
ဒီငါးမျိုးကျူးလွန်လို့ မကောင်းဘူး။ ဒီငါးမျိုးစောင့်ထိန်းမှလို့ သိပြီး
စောင့်ထိန်းတယ်ဆိုရင် သူဟာ အလိုလို ဗုဒ္ဓဘာသာဝင်ဖြစ်သွားတာပါဘဲ။
အဲ၊ နောက်တစ်ယောက်က ငါးပါးသီလကိုသိတယ်၊
ဘုရားရှင်ဟောခဲ့တယ်ဆိုတာလဲ သိတယ်။
လူရှေ့သူရှေ့ဆိုရင် ငါးပါးသီလပါဠိဆိုလိုက်တာပါဘဲ။ ဆောက်တည်လိုက်တာပါဘဲ။
ဒါပေမဲ့ မစောင့်ထိန်းဘူး။ ကျူးလွန်ဖောက်ဖျက်နေတယ်ဆိုရင်
ဗုဒ္ဓဘာသာဝင်လို့ ခေါ်နိုင်ပါ့မလား။
ဒါ့ကြောင့် ဗုဒ္ဓဘာသာမဟုတ်တဲ့တိုင်းပြီတွေ ဘာလို့ ချမ်းသာနေပြီး
ဗုဒ္ဓဘာသာနိုင်ငံတွေ ဘာလို့မွဲနေကြတာလဲ။
အဖြေက ဒါပါဘဲ။
ခရစ်ယာန်နိုင်ငံသာဖြစ်နေတာ။
နိုင်ငံရေး၊ လူမှုရေး၊ စီးပွါးရေးတွေမှာ သူတို့တတွေကျင့်သုံးနေတာက
၇၅% လောက်က ဘုရားရှင်ဟောထားတဲ့ တရားတော်တွေနဲ့ ညီနေတာ။
ဗုဒ္ဓဘာသာနိုင်ငံသာဖြစ်နေတာ
နိုင်ငံရေး၊ လူမှုရေး၊ စီးပွါးရေးတွေမှာ သူတို့တတွေကျင့်သုံးနေတာက
ဗုဒ္ဓဘာသာကျင့်ဝတ်တစ်စက်မှ မတွေ့ရဘူး။
ဒါ့ကြောင့် မွဲနေတာပါ။

1 comments:

  1. မွဲခြင်းရဲ့ အကြောင်းတရားက ဘုရားရှင်လမ်းညွှန်ခဲ့တဲ့ စီးပွားရေးမျက်စိ မရှိခြင်းကြောင့်သာ ဖြစ်တယ်။ ဘုရားဟောပြောခဲ့တဲ့အတိုင်း ကျွမ်းကျင်မှု၊ နည်းပညာ၊ ၀ီရိယ ဆိုတဲ့ ထိုထို အင်္ဂါသုံးရပ်နှင့် ပြည့်စုံခဲ့လျှင် ဗုဒ္ဓဘာသာ ဟုတ်သည်ဖြစ်စေ၊ မဟုတ်သည် ဖြစ်စေ ကြီးပွားတိုးတက်မှာ အမှန်ပဲ။ ဘုရားဟောတဲ့ ငါးပါးသီလကြောင့် မွဲတယ်လို့  တချို့ ပြောတာ လုံးဝမမှန်ချေ။ ဘုရားရှင်က ရှောင်သင့်တာ ရှောင်ဖို့ ပြောသလို၊ ဆောင်သင့်တဲ့ အမှုကိစွုတွေကို လည်း အသေအချာ ဟောပြခဲ့ပြီးသားဖြစ်သည်။ လူတစ်ဦးချင်းစီ ကြီးပွားတိုးတက်မှလည်း တစ်နိုင်ငံလုံး ကြီးပွားတိုးတက်နိုင်မည်သာဖြစ်သည်။
    ထို့ ကြောင့် လူတစ်ဦးချင်းစီ ကြီးပွားတိုးတက်ရန် ကျွမ်းကျင်မှု၊ နည်းပညာ၊ လုံ့ လ၀ီရိယ စသည့် နည်းလမ်းများကိုအသုံးချပြီး စီးပွားရေးလုပ်ငန်းများကို သီလစောင့်ထိန်းကာ အသက်မွေးကြမည်ဆိုလျှင် ဆင်းရဲမွဲတေစရာ အကြောင်းမရှိ။ ဘုရားရှင်က ပညာဖြင့် အသက်မွေးခြင်းသည် အမြတ်ဆုံးဟု ဆိုထားပေရာ အသိပညာ၊ အတတ်ပညာများစွာ တတ်ဖို့ လည်း လိုလှသည်။ စင်စစ်မူ ပညာအဆင့်အတန်း နိမ့်ကျခြင်းသည်လည်း ဆင်းရဲမွဲတေ ခြင်းရဲ့  အကြောင်းတရားတစ်ရပ်ဖြစ်လေသည်။ ထို့ ကြောင့် ပညာဆိုတာ လောကီနယ်ပယ်မှာရော၊ လောကုတ္တရာ နယ်ပယ်မှာပါ တတ်သင့်တတ်အပ် သော အရာဖြစ်ပေသည်။ ထို့ ကြောင့် တိုင်းပြည်တစ်ပြည်မှာ ပညာတတ်များများရှိဖို့ လိုအပ်သည်မှာလည်း ငြင်းဆိုဖွယ်မရှိ။
    သတိပြုစရာတစ်ချက်မှာ မရှိလို့ မလှူ၊ မလှူလို့ မရှိ ဖြစ်ရလေအောင် တတ်နိုင်သမျှ အလှူဒါနပြုတတ်ဖို့ လည်း လိုပေသည်။
    သို့ မှလည်း ယခုပစွုပွန်ရော၊ နောင်အနာဂတ်ပါ ကြီးပွားတိုးတက်၊ ချမ်းသာပြည့်ဝသော အခြေအနေကောင်းများနှင့် ပြည့်စုံနိုင်ပေသည်။

    ReplyDelete

လာရောက်အားပေးတဲ့အတွက်ကျေးဇူးတင်ပါတယ် ။ကွန်မင့်ရေးသားထားခဲ့ ဖို့ မေတ္တာရပ်ခံပါတယ်

အရှင်ယဿ(လယ်တီ)